“Autoshkolla” nga mosha 17 vjeçare?

Qeveria federale, në mesin e reformave që planifikon sa i përket trajnimit për ngasje të automjeteve synon të fusë edhe lejen mësimore të ngasjes (autoshkollën) për të rinjtë e moshës 17 vjeçare.

Ajo që synohet me këto reforma është që të rinjtë të fitojnë sa më shumë përvojë para se ta marrin patentshoferin me provë.

Zyra Federale përgjegjëse për rrugët (Astra) ka konfirmuar një lajm që e ka botuar sot gazeta “Zentralschweiz am Sonntag” sipas të cilit trajnimin e ngasjes në të ardhmen mund ta marrin edhe të rinjtë 17 vjeçarë.

Por ashtu sikurse edhe deri më tash, ata në provim mund të hyjnë vetëm pasi t`i kenë mbushur 18 vjet. Qeveria po ashtu planifikon që të mbajë edhe më tutje provën 3 vjeçare për lejen e ngasjes.