Autogol i sllovenëve: 2 me 0 për Kosovën

Kosova ka rritur epërsinë në 2-0 ndaj Sllovenisë, falë një autogoli të mbrojtësit slloven.

Pas një rasti shumë të mirë të Florent Muslijës, i cili u gjend i vetëm përballë Jan Oblak, por portieri slloven arriti ta ndalojë gjuajtjen, nuk vonoi shumë dhe erdhi goli i dytë.

Në minutën e 64-të, një pasim i gjatë i Muslijës në drejtim të Mërgim Vojvodës u devijua gabimisht nga Zan Karnicnik, i cili e dërgoi topin drejt portës së vet.