Australia rihap plotësisht kufijtë pas dy vjetësh

Australia të hënën rihapi plotësisht kufijtë e saj ndërkombëtarë për udhëtarët e vaksinuar kundër koronavirusit pas gati dy vjetësh mbylljeje.

Më shumë se 50 fluturime ndërkombëtare do të arrijnë në vend gjatë ditës, duke përfshirë 27 ulje në Sydney, qyteti më i madh, ndërsa sektorët e turizmit dhe mikpritjes kërkojnë të rindërtohen pasi janë goditur nga kufizimet e COVID-19.

“Është një ditë shumë emocionuese, një ditë që e kam pritur me padurim për një kohë të gjatë, që nga dita që mbylla për herë të parë atë kufi në fillim të pandemisë”, u tha kryeministri Scott Morrison gazetarëve, shkruan “Reuters”, përcjell albinfo.ch.