Ambasadori Rohde kujton ditën kur Gjermania njohu pavarësinë e Kosovës

Ambasadori i Gjermanisë në Kosovë, Jorn Rohde ka kujtuar 20 shkurtin, ditën kur Kosova dhe Gjermania, 15 vjet më parë vendosën marrëdhënie diplomatike.

“Në këtë ditë, 15 vjet më parë, Gjermania dhe Kosova vendosën marrëdhënie diplomatike përmes njohjes zyrtare të Republikës së Kosovës si shtet i pavarur”, ka shkruar ai.

Ambasadori Rohde ka shtuar se ishte Karl-Albrecht Wokalek, shefi i atëhershëm i Zyrës Ndërlidhëse Gjermane në Prishtinë, i cili i dorëzoi Presidentit të asaj kohe, Fatmir Sejdiu letrën zyrtare me të cilën Gjermania njohu pavarësinë e Kosovës.