Ambasadori gjerman reagon pas kalimit të marrëveshjeve ndërkombëtare në Kuvend

Foto Twitter: @GermanAmbKOS

Në Kuvendin e Kosovës, pas disa tentimeve të dështuara, sot është arritur kalimi i disa prej marrëveshjeve ndërkombëtare.

Në lidhje me këtë ka reaguar ambasadori gjerman në Kosovë, Jorn Rohde, i cili u shpreh se marrëveshjet janë në të mirë të qytetarëve.

“Lajme të mira për Kosovën. Më në fund iu dha drita e gjelbër marrëveshjeve të rëndësishme ndërkombëtare, të arritura sot me konsensus ndërpartiak në Parlament. Këto do t’i sjellin dobi popullit dhe tërë vendit”, ka thënë ai, përcjell albinfo.ch.

Ndryshe, marrëveshja e parë që u miratua nga 83 deputetë, ishte ajo për Rehabilitimin e linjës hekurudhore 10 B.