Ambasada e Britanisë: Punoni së bashku dhe formoni qeverinë

Ambasada e Britanisë së Madhe ka kërkuar nga VV-ja dhe LDK-ja që të punojnë së bashku të tejkalojnë dallimet mes tyre dhe të formojnë qeverinë që do të adresojë çështjet më me prioritet të popullit të Kosovës.

“Më shumë se 12 javë që nga zgjedhjet e 6 tetorit, Kosovës i duhet një qeveri e re. Çështjet urgjente, siç janë buxheti, arsimi si dhe vendimet administrative të bllokuara duhet të adresohen”, thuhet në postimin e faqes zyrtare të Ambasadës britanike në Kosovë, shkruan GE, përcjell albinfo.ch.

“Të dyja, Vetëvendosje dhe LDK, të cilat qartazi kanë fituar zgjedhjet, duhet të punojnë së bashku që të tejkalojnë dallimet në mes tyre dhe të formojnë qeverinë që do të adresojë çështjet më me prioritet të popullit të Kosovës”, shtohet tutje në këtë deklaratë, ku kërkohet që të dy partitë të lënë anash dallimet dhe të punojnë për lidhje të koalicionit.

“Ato duhet të bëjnë këtë në frymën e tolerancës, duke pranuar qasjet e tyre të ndryshme të qeverisjes. Respekti për votuesit dhe Kushtetuten do të thotë vullnet për të punuar sinqerisht së bashku për t’i treguar vendit se ata munden të ofrojnë lidership për ndryshimin”.

Ky është postimi i plotë:

https://www.facebook.com/UKinKosovo/posts/1470592019766551

---