Aktron plaçkitjen e bankës, për të rënë në burg

Por prokurori nuk pati mëshirë për 35 biznesmenin e dështuar 35 vjeçar: e la atë të lirë!

Ekonomikisht buzë greminës, afaristi spanjoll kërkonte një rrugëdalje. Ideja më e mirë që i binte ndërmend ishte të binte në burg, dhe për ta merituar këtë, vendosi të plaçkiste një bankë. Por prokurori nuk pati mëshirë për 35 vjeçarin: e la të lirë.

Siç shkruan gazeta “Sur” biznesmeni kishte sulmuar një filialë banke në qytetin jugor të Spanjës, Malaga. Sulmin e kishte bërë duke iu drejtuar punëtorëve të bankës me fjalët: “Jam i armatosur. Kjo është plaçkitje”. Por, vetëm pas pak ai i qetëson ata duke u thënë: “Unë nuk do t`ju bëj asgjë dhe as nuk do të vjedh asgjë. Thirreni policinë!”.

Pastaj ai i ankohet njërit nga punëtorët e bankës për borxhet që ia kanë shkatërruar biznesin dhe në fatkeqësinë ku ndodhej, hyrjen në burg e konsideronte si rrugëdaljen e vetme.  

Policia e alarmuar, me rastin e kontrollit të “sulmuesit të bankës” i gjen atij në xhepa në vend të revoles një shkop druri dhe një thikë kuzhine.

Në fund, biznesmenit të bankrotuar i dështon plani për të siguruar një pushim në burg. Prokuroria nuk e ngarkon atë me plaçkitje banke por vetëm me veprën penale të detyrimit, e cila, “mjerisht”, nuk sanksionohet me burg.