Aksion kundër Mafisë Kalabreze edhe në Zvicër

Autoritetet italiane kanë dërguar një kërkesë për arrest edhe në Zvicër

Në kuadrin e një aksioni të madh bastisjesh në nivel ndërkombëtar kundër mafisë kalabreze “N`Drangheta”, autoritetet italiane kanë dërguar një kërkesë për arrest edhe në Zvicër. Këtë lajm e ka konfirmuar për Radion Rvicerane DRS kryeprokurori italian për ndjekje të mafisë.

Ndërkaq, autoritetet zvicerane nuk kanë reaguar ende në lidhje me këtë kërkesë të ardhur nga Italia. Rreth kësaj çështjeje nuk janë prononcuar as Enti Federal për Polici dhe as Prokuroria Federale ose Departamenti i Drejtësisë.

Aksioni ndërkombëtar i bastisjeve kundër mafisë është realizuar njëkohësisht në Itali, Gjermani, kanada dhe Australi. Gjatë këtij aksioni janë arrestuar gjithsej 35 persona.