Aksident me pasoja fatale për të riun nga Bujanoci

Shkak i shpejtësisë së madhe dhe humbjes së kontrollit mbi makinën mendohet të ketë qenë sulmi në zemer që ka pësuar ngasësi

Aksidenti i rëndë që  ndodhi tri ditë më parë në Steinach të kantonit Thurgau, rezultoi fatal për shqiptarin e ri me banim në Egnach TG.  Në këtë aksident ka mbetur i vdekur në vend 28 vjeçari Jeton R. nga fshati Letovicë e Bujanocit i cili po ngiste një Mercedes të tipit A-Klasse
Siç ka mësuar Albinfo.ch, Jeton R. ishte rrugës për punë kur rreth orës 5.45 të mëngjesit  në hyrje të një rreth-rrotullim në Steinach, automjeti i tij humbë kontrollin nga shpejtësia e madhe dhe përplaset në muret e një fabrikeje rreth 40 metra me tëj, duke lënë të lënduar rëndë dhe një ngasës tjetër me automjet të tipit Nissan (F. Sch.) 
Siç merr vesh albinfo.ch nga B.I. një shok i afërt i të ndjerit, shkak i shpejtësisë së madhe mund të ketë qenë një sulm kardiak, sepse, siç shprehet ai, Jeton R. nuk ishte aspak nga ata që pëlqente shpejtësinë e madhe.
Me këtë rast nga makina e mbetur pa kontroll e Jetonit, është goditur edhe një makinë tjetër, ngasësi i të cilës ka pësuar lëndime serioze por pa rrezik për jetën.
Varrimi i të ndjerit është bërë sot në Letovicë të Bujanocit.
B.D.