Afro 17 mijë infeksione në 24 orë, Franca shënon rekordin

Autoritetet shëndetësore kanë njoftuar të shtunën se gjatë 24 orëve të fundit janë raportuar afro 17 mijë raste të reja.

Në Francë, numri i infeksioneve të reja ka njohur një rritje të madhe ditëve dhe javëve të fundit. Ndërsa sot ky numër është rritur për herë të parë në +16,972 persona të prekur, ndërsa numri i përgjithshem ka kaluar shifren e 606,625 personave, transmeton albinfo.ch.

Ndërkohë, brenda 24 orëve, janë shënuar 49 viktima shkaku i koronavirusit, bëjnë me dije autoritetet shëndetësore franceze.

Për të luftuar përhapjen në rritje të virusit, disa masa të detyrueshme në të gjithë vendin, priten të bëhen, si në transportin publik ashtu dhe në hapësirat e mbyllura publike si dyqanet apo restorantet.

Për shkak të numrit në rritje të rasteve, autoritetet lokale po shqyrtojnë marrjen e masave shtesë, përcjell albinfo.ch.

---