Abuzimi me prostitutat 16-18 vjeçe, vepër penale

Me këtë ndryshim, Zvicra po e përmirëson mbrojtjen e fëmijëve nga abuzimi seksual, duke plotësuar kushtet për tu bërë pjesë e konventës përkatëse të Evropës

Personat që shfrytëzojnë shërbimet e prostitutave të moshës 16-18 vjeçare do të ndiqen penalisht. Këshilli Federal i Zvicrës ka futur në Ligjin Penal këtë ndryshim dhe disa të tjerë, të cilët do të hyjnë në fuqi nga 1 korriku i këtij viti.

Me këtë ndryshim, Zvicra po e përmirëson mbrojtjen e fëmijëve nga abuzimi seksual, duke plotësuar kushtet për tu bërë pjesë e konventës përkatëse të Evropës.

Si persona që konsiderohet se kanë shkelur ligjin, aktualisht janë ata që shfrytëzojnë prostitutat nën moshën 16 vjeçare dhe që kanë dallim në moshë më shumë se tri vjet në krahasim me to.

Ndërsa në të ardhmen, ata që bëjnë këtë shkelje do të dënohen penalisht, deri në tri vjet heqje lirie. Ndërsa vetë prostitutat e moshës së përmendur nuk do të dënohen, thuhet në një komunikatë të shërbimeve për medie të Këshillit Federal.

Risi me këtë ndryshim përbën edhe penalizmi i promovimit ose nxitjes së prostitucionit të të miturve. Personat që mbajnë prostitutat (makrot), operuesit e bordeleve ose të “Escort-Service-“ve, të cilët me qëllim përfitimi lehtësojnë ose mundësojnë prostitucionin, do të dënohen deri në dhjetë vjet heqje lirie.

Në këtë kuadër bëjnë pjesë dhënia me qira e salloneve ose punësimi i të miturve në ambientet e ngjashme. Si fajtorë do të konsiderohen edhe familjarët ose miqtë që bëjnë veprime në këtë drejtim.