Abrashi, i kënaqur me vazhdimin e kontratës te Freiburgu

Amir Abrashi ishte bashkuar me skuadrën gjermane Freiburg në verën e vitit 2015. Pas pesë vjetëve të kaluara tek klubi gjerman, Abrashi ka vazhduar kontratën, por që detajet e saj nuk janë bërë publike nga klubi.

Abrashi ndihet shumë i lumtur te klubi gjerman, ndërsa ka folur edhe rreth vazhdimit të kontratës.

“Klubi dhe ambienti këtu janë thjesht fantastik, jam shumë i lidhur me Freiburg”, tha Abrashi.

Në këto pesë vjet te Freiburgu, Abrashi ka zhvilluar 91 ndeshje, duke shënuar katër gola e duke bërë dy asistime.

Kujtojmë që reprezentuesi shqiptar për më shumë se një vit kishte mbetur jashtë fushave shkaku i lëndimit të ligamenteve, përcjell albinfo.ch.