Komisioni Evropian rekomandon lejimin e udhëtimeve në Britaninë e Madhe

Komisioni Evropian rekomandoi të martën që ndalimet e udhëtimit të vendosura nga vendet e BE-së mbi Britaninë për t’u ruajtur nga një variant i ri i koronavirusit duhet të përfundojnë për të lejuar rifillimin e bartjes së mallrave dhe udhëtimeve thelbësore.

Rekomandimi, i cili do t’u paraqitet ambasadorëve të BE-së më vonë të martën, këshilloi që udhëtimi jothelbësor nga vendet e tjera dhe nga Britania duhet të dekurajohet, por që personat që shkojnë në vendin e tyre të banimit duhet të lejohen ta bëjnë këtë, me kusht që t’i nënshtrohen një testi dhe karantinës, shkruan “Reuters”, përcjell albinfo.ch.