Shqiptarët në Mal të Zi refuzojnë të bëhen pjesë e qeverisë së Krivokapiqit

Lista Shqiptare ka refuzuar të bëhet pjesë e qeverisë së Krivokapiqit, pasi kërkesat e saj nuk janë pranuar, as ato politike, as ato programore.

“Na është ofruar zv.kryeministri që njëherësh do të ishte edhe ministër i Pakicave. Mirëpo ne e kemi refuzuar”, konfirmon për Abcnews Mark Pashko Lucgjonaj nga Alternativa Shqiptare, pjese e Listës Shqiptare, përcjell Albinfo.ch.

Kujtojmë që më parë, Nik Gjeloshaj dhe Krivokapiq kishin rënë dakord që Listës Shqiptare t’i jepeshin dy ministri, Ministria e Pakicave dhe ajo e Turizmit, si dhe shtatë zv. ministra ose sekretarë shtetërorë.

Me pas, i mandatuari ndryshoi gjithë projeksionet për qeverinë dhe programi politik i Listës Shqiptare u minimizua bashkë me pozitat e dakorduara, çka bëri që Lista Shqiptare, pas konsultimeve, të refuzonte të ishte pjesë e qeverisë së re.