Tërmeti në Turqi: S’ka të dhëna për ndonjë kosovar të prekur

Keystone

Ministrja e Punëve të Jashtme, Meliza Haradinaj-Stublla, ka bërë të ditur se ende nuk kanë të dhëna për ndonjë bashkëkombës që mund të jetë prekur nga tërmeti në Izmir të Turqisë.

Kryediplomatja mes tjerash thotë se identiteti i viktimave ende nuk është konfirmuar.

Po ashtu Haradinaj-Stublla bën të ditur se ka komunikime të vazhdueshme me Ambasadën e Kosovës në Ankara.

“Deri tani, nga komunikimet e vazhdueshme të Ambasadës sonë në Ankara nuk kemi të dhëna për ndonjë bashkëkombës tonin që mund të jetë prekur nga fatkeqësia e sotme në Izmir, ndonëse identiteti i viktimave ende nuk është konfimuar”, ka shkruar Haradinaj-Stublla në Twitter, përcjell Albinfo.ch.