Sami Lushtaku, vizitë pune në komunën Muri të Bernës

Kryetari i Skenderajt do të ketë një takim me bashkatdhetarë të komunës së Skenderajt me banim në Zvicër

Në një komunikatë të dërguar nga Ambasada e Republikës së Kosovës në Bernë bëhet e ditur se nga 23 shkurti, kryetari i Komunës së Skenderajt, Sami Lushtaku do të qëndrojë në Zvicër në kuadër të një vizite zyrtare treditore.

Gjatë kësaj vizite z. Lushtaku do të ketë një takim në komunën Muri – Gümlingen, të enjten, më 23 shkurt 2012, nga ora 09:00 deri në ora 17:00.

Po kështu, kryetari i Skenderajt do të ketë një takim me bashkatdhetarë të komunës së Skenderajt me banim në Zvicër. Takimi mbahet të premten, më 24 shkurt 2012 nga ora 18:00 në ambientet e Ambasadës se Republikës së Kosovës në Bernë.

Për informacione shtesë rreth vizitës, luteni që të na kontaktoni në numrat e poshtëshënuar: Ambasada e Republikës së Kosovës Bernë, Amthausgasse 3. CH-3011 Berne

Tel.: 031 310 06 90

Fax: 031 310 06 91

Email: [email protected]