Fun
Në sa ora duhet të flenë fëmijët tuaj?
Çdo natë, pa përjashtim, fëmijët e mi janë në shtrat në 19:30. Ata janë më të lumtur (dhe unë gjithashtu). Albinfo.ch ju sjell pikëpamjen e një nëneje.
Pavarësisht se është vera dhe që zakonisht rregullat ndryshojnë, unë vazhdoj me parimet e mia. Po, i kam dy fëmijë të moshës 2 dhe 5 vjeç dhe i çoj në gjumë në orën 19:00 ose 19:30. E di, e di, ju do të thoni se unë jam e ashpër dhe që në verë do të duhej të jem më pak procedurale. Disa më thonë të mos i çoj në gjumë kaq herët, vetëm sonte. Unë përgjigjëm sistematikisht: Jo, më vjen keq, nuk mund t’i lë pa gjumë.
Pse? Për shkak se fëmijët e mi janë më të lumtur dhe më të këndshme për të jetuar kur unë i çoj në shtrat herët, prandaj edhe nuk do të ndryshoj këtë rutinë. Dhe, sa më shumë lexoj hulumtime rreth kësaj teme, aq më shumë jam i bindur se sa më herët t’u thoni fëmijeve “Natën e mirë”, aq më mirë është për ta. Studimet vazhdojnë të vëzhgojnë faktin se një orë më herët në shtrat është e dobishme për zhvillimin fizik dhe emocional të fëmijës. Për fëmijët, gjumi i hershëm është më çlodhës dhe më i shëndetshëm. Pa harruar se edhe prindërit pushojnë më shumë, gjë që është e rëndësishme gjithashtu.
Flini më shumë, flini më mirë
E pra, të filloj me një fakt shqetësues. Sot, shumica e fëmijëve nuk kanë mjaft gjumë. Disa sondazhe të kryera në Shtetet e Bashkuara tregojnë se rreth 30% e fëmijëve nën 11 vjeç dhe më shumë se gjysma e adoleshentëve kanë nivel të gjumit më të ulët se sa rekomandimet e ekspertëve. Dhe, ndërsa shumë ekspertë besojnë se fëmijët e vegjël duhet të shkojnë në shtrat në mes të orës 18 dhe 20, gjysma e foshnjave dhe fëmijëve të vegjël, si dhe 64% e nxënësve të shkollave fillore shkojnë në shtrat pas orës 21:00.
Studimet kanë treguar se ora e gjumit të fëmijës është e lidhur ngushtë me cilësinë e të fjeturit. Por kjo nuk do të thotë se nëse shkojnë në shtrat njëzet minuta më parë, fëmijët fitojnë njëzet minuta gjumë. Në mënyrë paradoksale, shumë studime kanë vënë re se kur fëmijët shkojnë në shtrat vonë, ata marrin më shumë kohë për t’i kapur gjumi. Ata gjithashtu kanë tendencë që të zgjohen më shpesh gjatë natës dhe nuk flenë mjaftueshëm në mëngjes.
Një studim konstaton se adoleshentët, të cilëve prindërit ua kanë vendosur orën e gjumit në orën 21;00, ose më herët, flinin mesatarisht 40 minuta më gjatë se ata, të cilëve dritat u fiken në mesnatë. Voglushët të cilët shtrihen në shtrat para orës 21 flenë 78 minuta më gjatë se ata që shtrihen pas orës 21:00. Dhe, në qoftë se ju mendoni se fëmijët, të cilët janë në shtrat sa më parë thjesht kanë nevojë për më shumë gjumë dhe në qoftë se ju vendosni t’i çoni në shtrat një orë më parë me shpresën se do të zgjohen një orë më parë, këtu janë disa të dhëna eksperimentale: kur hulumtuesit i pyetën prindërit për gjumin e fëmijëve të tyre, të moshës 7 deri në 11 vjet, doli se një orë më herët se zakonisht për pesë net, fëmijët flinin mesatarisht 27 minuta më shumë për një natë.
Përfitimet e një ore më herët në shtrat janë përtej ndikimit të drejtpërdrejtë në kohën e gjumit. Pra, mos ngurroni, informohuni më shumë rreth kësaj çeshtjeje.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri