Aeroportet më të mira në botë

Nga më shumë se 240 destinacione, aeroporti Cyrihut është renditur në mesin e dhjetë aeroporteve më të mira në botë

Pikërisht nga aeroporti nis edhe udhëtimi. Për këtë arsye kualiteti i udhëtimit me aeroplan varet edhe nga aeroporti.

Agjencia britanike “Skytrax”, ka realizuar një sondazh duke pyetur udhëtarët se cili nga aeroportet është më i mirë në botë

Nga më shumë se 240 destinacione, aeroporti Cyrihut është renditur në mesin e dhjetë aeroporteve më të mira në botë, njofton 20min.ch.

Aeroporti në Kloten të Cyrihut është i shtati në këtë renditje një vend më lartë se vitin e kaluar. megjithatë mban sërish primatin për pranimin dhe dorëzimin më të mirë dhe shpejtë të bagazhit.Kështu, në vendin e parë si aeroporti më i mirë në botë renditet aeroporti i Hong Kongut. Changi International, aeroporti i Singaporit renditet i dyti, ndërsa në vendin e tretë renditet Incheon International i SeulitPastaj vijojnë aeroportet më të mira evropiane të vitit 2011.

Aeroporti i Mynihut në Gjermani erdhi i katërti në këtë renditje pas tre aziatikëve.

Më pas vijnë aeroporti i Pekinit, Amsterdamit, Cyrihut, Kuala Lumpurit, për ta mbyllur listën e 10 aeroporteve më të mira në botë me Copenaghen-Kastrup në Danimarkë.

Në sondazhin e agjencisë britanike “Skytrax” ishin përfshirë më shumë se 11 milionë pasagjerë.