Dua Lipa realizoi ëndrrën e saj

Këngëtarja shqiptare ka realizuar një turne në Shtetet e Bashkuara të Amerikës, që ishte ëndrra e saj

Këngëtarja shqiptare, Dua Lipa vazhdon me sukseset e saj. Ajo për herë të parë në karrierën e saj ka zhvilluar një turne në Shtetet e Bashkuara të Amerikës, shkruan albinfo.ch.

Koncerti i saj i fundit ishte në San Francisko, derisa në përgjithësi ajo ka marrë shumë vlerësime pozitive. Koncertet e saj i kanë ndjekur një numër i madh i fansave të saj në Amerikë. Dua ka lindur në Londër, kurse është me prejardhje nga Prishtina.

Ajo ka falënderuar të gjithë fansat për mbështetjen e tij. “San Francisko ju keni qenë me të vërtetë një ëndërr. Koncerti i fundit i turneut tim të parë. Faleminderit të gjithëve që e keni bërë këtë tur kaq special. Çdo natë ka qenë një ëndërr e realizuar për mua dhe u jam mirënjohëse për dashurinë dhe përkrahjen. Ekipi im dhe grupi kanë qenë më të mirët, duke bërë kështu këtë turne me autobus të ketë ndjesinë e një shtëpie dhe çdo natë kanë sjellë performancë të mrekullueshme. Faleminderit edhe një herë, shpresoj të shihemi së shpejti, unë ju dua”, ka shkruar Dua në “Facebook”.