Liderët shtetërorë më të paguar në botë

Presidenti amerikan, Barak Obama, figuron në krye të listës së politikanëve më të paguar në botë, përgatitur nga gazeta franceze "Les Echos", së bashku me "Statista", përcjell albinfo.ch.

Ky krahasim pagash të liderëve botërorë vjen pas kërkesës së kryetarit të sapozgjedhur të Shtëpisë së Bardhë, Donald Trump, për të hequr dorë nga paga mujore.
Paga vjetore e Obamas arrin 400 mijë dollarë. Në vendin e dytë është kryeministrit kanadez, Justin Trodon, me një pagë prej 260.000 dollarësh në vit. Në top 3 është kancelarja gjermane, Angela Merkel, e cila fiton 234,000 dollarë.

Presidenti i Afrikës së Jugut, Jacob Zuma, merr 233,000 dollarë në vit dhe renditet i katërti, ndërsa kryeministrja britanike, Theresa May, është e pesta me 215.000 dollarë.

Në vendin e gjashtë është kryeministri japonez, Shinzo Abe, paga e të cilit arrin në 213,000 dollarë. Pas tij në listë është kryeministri turk, Rexhep Erdogan, për 197,000 dollarë.

Presidenti francez, Francois Hollande, është i teti me të ardhura vjetore prej 194,000 dollarësh dhe i nënti është presidenti rus, Vladimir Putin, me 136,000 dollarë. Vendi i fundit është kryeministri Italian, Matteo Renzi, paga e të cilit është 125.000 dollarë në vit.

Në një intervistë me kanalin televiziv “CBS”, presidenti i zgjedhur, Donald Trump, njoftoi se ka hequr dorë nga paga e tij. Ai tha se për të kryer funksionet e kreut të shtetit është dakorduar për të marrë një dollar në vit.

Republikani ka pranuar se nuk e di sa para merr presidenti i SHBA-së.

Revista “Forbes” në shtator publikoi pasurinë e Donald Trump, që është vlerësuar të jetë 3.7 miliardë dollarë. Në krahasim me vitin e kaluar pasuria e republikanit ishte “shkrirë” për 800 milionë dollarë.

Trump nuk është presidenti i parë amerikan që heq dorë nga paga. Para tij ishin privuar nga paga dhe presidentët John Kennedy dhe Herbert Hoover.

http://www.lesechos.fr/monde/etats-unis/0211493104644-qui-sont-les-chefs-detat-les-mieux-payes-au-monde-2042657.php