Tunelet ushtarake, jepen me qira për kultivimin e kërpudhave

Bëhet fjalë për pesë tunele me një sipërfaqe prej afër 1500 metrash katrorë që gjenden në veri të Tiranës

Ushtria e Shqipërisë ka dalë me një ide të pazakonshme për të nxjerrë fitime nga objektet që ka në posedim. Kështu, një sistem i vjetër tunelesh në afërsi të Tiranës, i ndërtuar në kohë të komnizmit, do të jepet me qira për kultivuesit e kërpudhave. 

Këtë njoftim e ka dhënë të martën vetë Ministria e Zhvillimit Ekonomik e Shqipërisë, shkruan n-tv.de. Bëhet fjalë për pesë tunele me një siërfaqe prej afër 1500 metrash katrorë që gjendet në veri të Tiranës.

Konkursi për dhënien e qira do të jetë i hapur nga 18 janari ndërsa çmimi fillestar për qiranë në një periudhë prej mbi 20 vitesh do të jetë rreth 350 euro në muaj, transmeton albinfo.ch. 

Ndërkohë, një numër tunelesh në të ardhmen do të mund të përdoren edhe për qëllime turistike. Sistemet e tuneleve dhe bunkerët janë ndërtuar në kohën e diktaturës në kuadrin e doktrinës së mbrojtjes së vendit nga sulmet e jashtme. 

Ndërkohë, prej disa vitesh Shqipëria është anëtare e NATO-s, sqarojnë mediet gjermane që e kanë botuar këtë njoftim.