9 vatra të reja të zjarrit në Shqipëri

Emergjenca Civile thotë se në operacionet për shuarjen e zjarreve janë angazhuar 52 punonjës zjarrfikës, 13 automjete zjarrfikëse

Ilustrim

Emergjencat Civile në Shqipëri njofton se gjatë 24 orëve të fundit në të gjithë vendin janë shënuar 9 vatra të reja të zjarrit.

Në qarkun e Shkodërs një vatër zjarri është riaktivizuar në pyllin e mbrojtur të fshatit Karmë, Vau-Dejës. Po ashtu në këtë qark dy vatra mbeten ende aktive, por po mbahen nën monitorim të vazhdueshëm nga forcat pyjore thuhet në njoftim, transmeton albinfo.ch.

Ndërsa në fshatin Rreth-Kale të Dibrës është djegur një sipërfaqe me shkurre dhe kullotë që kanë rrezikuar të digjen edhe disa shtëpi. Edhe në qarkun e Elbasanit në dy fshatra janë shfaqur sërish disa vatra të zjarrit. Po ashtu vatra të reja zjarri ka pasur edhe në qarkun e Vlorës.

Emergjenca Civile thotë se në operacionet për shuarjen e zjarreve janë angazhuar 52 punonjës zjarrfikës, 13 automjete zjarrfikëse.