70 inxhinierë nga Kosova kanë dhënë kontribut në vlerësimin e dëmeve nga tërmeti

Grupi i dytë i inxhinierëve vullnetarë të Kosovës ka dhënë kontribut në konstatimin e dëmeve nga tërmeti

Është bërë e ditur se një ekip prej 30 inxhinierësh vullnetarë nga Kosova ka dhënë kontribut në vlerësimin e dëmeve nga tërmeti.

Gjatë dy ditëve ata janë shoqëruar nga përfaqësues të pushtetit vendor, të Ministrisë së Arsimit dhe të “Institutit të Ndërtimit” dhe kanë vlerësuar dëmet e mbi 200 objekteve arsimore dhe të banesave në zonat e prekura, në Qarkun e Tiranës, Durrësit dhe Lezhës.

Kujtojmë se në datat 28 dhe 29 nëntor ka qenë një tjetër grup prej 40 inxhinierësh vullnetarë nga Kosova, të cilët kanë dhënë kontributin e tyre domethënës në konstatimin e dëmeve nga tërmeti në objekte të institucioneve të ndryshme, përcjell albinfo.ch.

---