7 vjet burg për vjedhje diamantesh me vlerë 8 milionë franga

Gjykatësit nuk kanë dhënë vendndodhjen e stolive të vjedhura. Vetëm diamantet që i kishte vjedhur malazezi me bandën e tij kushtoijnë 8.3 milionë franga

Gjykata Penale e Bazelit i ka shqiptuar të martën një burri 42 vjeçar dënimin me shtatë vite burg për pjesëmarrje në një vjedhje spektakolare të diamanteve dhe të stolive tjera. I dënuari, shtetas malazez ka hedhur poshtë çdo përgjegjësi për vjedhjen që i ngarkohet, shkruan sda/ats.

Procesi gjyqësor që ka zgjatur një ditë e gjysmë ka ardhur në përfundimin se i përmenduri është fajtor për vjedhje të kryera në mënyrë serike dhe si pjesë e një bande. Siç ka konstatuar prokuroria e përgjithshme, personi në fjalë si pjesëtar i një bande e cila në panairin e njohur Baselword 2011 ka vjedhur katër diamante dhe stoli në vlerë prej më shumë se tetë milionë frangash.

Ndonëse ai i mohon të gjitha akuzat që i bëhen, kryetarja e trupit gjykues në vendimin e saj ka thënë se ekzistojnë mjaft indikacione që çojnë te konstatimi i përmendur. Përcaktuese për dënimin kanë qenë gjurmët e ADN-së të gjetura në çelësin e vitrinës në rastin e parë të vjedhjes dhe fotografitë e kamerës vëzhguese në rastin e dytë.

Mbrojtja ka theksuar se mostra e ADN-së e ardhur nga Mali i Zi mund të ketë qenë e gabuar dhe po ashtu personi në fotografitë e kamerës ka pasur mundësi të ketë ngjashmëri me të dënuarin. Të dyja këto përpjekje për shfajësim janë hedhur poshtë nga gjykata, e cila ka përkujtuar se personi në fjalë ka qenë edhe më parë i dënuar pastaj se ai ka qëndruar në Hongkong pikërisht kur atje po mbahej një panair stolish të shtrenjta etj.

Gjykatësit nuk kanë mundur të thonë se ku gjenden diamantet dhe stolitë tjera të vjedhura. Vetëm diamantet në fjalë kishin vlerën prej 8.3 milionë frangash.