66% e gjermanëve kundër refugjatëve nga Ballkani

Fluksi i madh i azilkërkuesve ballkanikë që ia mësyjë Gjermanisë nga fillimi i këtij viti, ka prishur klimën e mikpritjes së tyre në mesin e gjermanëve, shkruan finanznachrichten.de. Shumica e njerëzve në këtë vend konsiderojnë se azilkërkuesit nga vendet e Ballkanit nuk kanë bazë për të fituar azilin pasi që në vendet përkatëse nuk ka luftë dhe as përndjekje politike.

Një sondazh reprezentativ i realizuar nga Instituti për Hulumtimin e Opinionit TNS/Emnid, për nevojat e magazinës gjermane Focus ka nxjerrë se dy të tretat e gjermanëve janë kundër asaj që të pranohen refugjatët nga vendet si Serbia, Bosnja, Shqipëria dhe Kosova. Kjo në përqindje duket kështu: 66 për qind e kundërshtojnë dhe 29 për qind janë pro pranimit të refugjatëve nga vendet e përmendura, transmeton albinfo.ch.

Përqindja më e madhe e refuzuesve i takon CDU-CSU, 81%. Edhe në SPD, me 76% kjo përqindje është mjaft e lartë ndërsa me 57% Partia e Majtë dhe me 52% ajo e Gjelbër ulet përqindja e përgjithshme në 66%.