57% më tepër të huaj me qëndrim ilegal në Zvicër

Ka qenë numri i i trefishuar i të huajve me qëndrim ilegal në kantonin e Tiçinos ai që e ka rritur në masë kaq të madhe numrin e përgjithshëm të kësaj kategorie në nivel vendi

Gjatë vitit të kaluar është regjistruar një rritje shumë e madhe e numrit të të huajve që kanë qëndruar në mënyrë ilegale në Zvicër. Siç dëshmohet nga të dhënat e Drejtorisë Fedreale të Doganës, bëhet fjalë për një rritje pre 57 për qind në krahasim me vitin paraprak, shkruan srf.ch

Gjithsej gjatë vitit 2016 Trupat e Mbrojtjes së Kufijve kanë konstatuar 48838 raste të qëndrimit ilegal në Zvicër. Më shumë se gjysma e këtyre rasteve janë regjistruar në Kantonin e Tiçinos, pra në kufirin jugor të vendit, transmeton albinfo.ch. Dhe, ka qenë pikërisht numri i i trefishuar i të huajve me qëndrim ilegal në atë kanton ai që e ka rritur në masë kaq të madhe numrin  e përgjithshëm të kësaj kategorie në nivel vendi.

Gjatë vitit 2016, në krahasim me vitin paraprak, si pasojë e mbylljes së “rrugës së Ballkanit” ka pasur një grumbullim të theksuar të rasteve me qëndrim ilegal nga rruga lindore në kufirin jugor të Zvicrës.