500 mijë euro për Kombëtaren e Kosovës

(AP Photo/Visar Kryeziu, FILE)

Kryetari i Kuvendit, Kadri Veseli, përmes një njoftimi në facebook ka falënderuar Qeverinë e Kosovës për mbështetjen e propozimit për të ndarë 500 mijë euro për kombëtaren e Kosovës në futboll.

Ai ka thënë se përkrahja për sportistët do të rritet, shkruan Albinfo.ch

“Falënderoj Qeverinë e Republikës së Kosovës që mbështeti propozimin tim për të ndarë 500 mijë euro për Kombëtaren e Kosovës në futboll, për sukseset e arritura deri më tash. Kosova ka potencial të jashtëzakonshëm në shumë sporte, andaj edhe përkrahja për sportistët dhe investimet në infrastrukturën sportive do të rriten”, ka shkruar Veseli.