4.5 milionë njerëz me koronavirus në tërë botën

Aktualisht ekzistojnë 4,511,360 infeksione të koronavirusit të regjistruar në të gjithë botën

Numri i rasteve të infektuar me koronavirusin zyrtarisht tejkaloi shifrën 4.5 milionë njerëz, gati një e treta e të cilëve janë në Shtetet e Bashkuara të Amerikës (SHBA), sipas të dhënave të përpiluara nga Universiteti amerikan Johns Hopkins, shkruan Albinfo.ch.

Sipas këtij burimi, aktualisht ekzistojnë 4,511,360 infeksione të koronavirusit të regjistruar në të gjithë botën, përcjell Albinfo.ch. Në të njëjtën kohë, 306.051 vdekje u raportuan nga sëmundja e frymëmarrjes Covid-19 e shkaktuar nga virusi i ri.

Numri më i lartë i rasteve të infeksionit është regjistruar në Shtetet e Bashkuara të Amerikës – 1.432.045, pasuar nga Rusia me 262.843, Britania e Madhe me 238.003 dhe Spanja me 230.1183, Italia me 223.885 dhe Brazili me 208.031 raste të konfirmuara.

Shtetet e Bashkuara janë vendi kryesor në botë për sa i përket vdekjeve, me gati 86.900 njerëz të vdekur, krahasuar me 34.077 të Britanisë, 31.610 të Italisë dhe Francës me rreth 27.500 viktima të koronavirusit.

---