26 shqiptarë para gjyqit, akuzohen për vjedhjen e 700 bizhuterive

Disa do të gjykohen në mungesë, përfshirë edhe një të dyshuar për vrasje në një rast tjetër, i cili është në burg në Zvicër

26 shqiptarë kanë dalë ditën e hënë para organeve të drejtësisë franceze, pasi akuzohen për 200 vjedhje në Auvergne Rhone-Alpes, por edhe në disa vende të tjera.

Shqiptarët, 19 nga Shqipëria dhe shtatë nga Kosova të ndihmuar nga katër përkthyes dhe pesëmbëdhjetë avokatë dolën para trupës gjykuese në gjykatë në Saint-Etienne, raportojnë mediat shqiptare, përcjell albinfo.ch.

Kreu i trupës gjykuese, Francois Bouriaud dëgjoi 16 persona të cilët mendohet se kanë qenë viktima të këtij grupi të rrezikshëm, që përmes aktivitetit të tyre kanë grabitur e vjedhur sasi të mëdha bizhuterish.

Një shoqatë miqësore shqiptare, një shoqatë lokale e vendosur në qendër të Firminy, shërbeu si një kamp bazë për të pandehurit. Humbjet më të lartë materiale të këtyre vjedhjeve të kryera gjatë natës në shtëpitë e zbrazëta për banorët e tyre nga fundi i 2015 deri në fund të 2017, janë vlerësuar në 155,000 euro. Të ardhurat e shitjes së stolive të vjedhura, disa prej të cilave janë shitur në portin belg të Antwerp, mund të kapin vlerën mes 1 dhe 1.5 milionë euro.
Disa do të gjykohen në mungesë, përfshirë edhe një të dyshuar për vrasje në një rast tjetër, i cili është në burg në Zvicër.
Rreth 700 bizhuteri të gjetura nga hetuesit janë ekspozuar pasdite në sallën e gjyqit për t’u identifikuar nga pronarët e tyre.

---