Zvicra e jashtëzakonshme, fitore e ‘çmendur’ me përmbysje

Dy asistime nga Xherdan Shaqiri, derisa kapiten ishte Granit Xhaka

Zvicra e ka përmbysur Belgjikën nga 0:2 në 5:2 në Ligën e Kombeve, shkruan albinfo.ch.

Për Belgjikën, të dy golat i ka shënuar Thorgan Hazard, vëllai i Eden Hazard. Mesfushori shënoi në minutën e dytë dhe 17-të.

Megjithatë, Zvicra nuk është dorëzuar dhe fillimisht ngushtoi epërsinë me anë të Ricardo Rodriguez nga penalltia, dhe në minutën e 32-të, Xherdan Shaqiri asistoi për Seferoviq për 2:2.

Në minutën e 44-t, Haris Seferoviq shënoi për 3:2, duke bërë një përmbysje të çmendur. Me këtë rezultat përfundoi pjesa e parë.

Golin e katërt për Zvicrën e shënoi qendërmbrojtësi Elvedi me kokë në minutën e 61-të. Edhe në këtë rast shënoi Xherdan Shaqiri.

Zvicra nuk u ndal dhe shënoi golin e pestë me anë të Haris Seferoviq, i cili shënoi me kokë në minutën e 84-t për 5:2. Edhe në këtë gol, Shaqiri u involvua, duke dhuruar spektakël. Seferoviq u largua me duartrokitje nga stadiumi në minutën e 92-të pas tre golave, duke u zëvendësuar nga Albian Ajeti.

Me këtë fitore, Zvicra e përfundon grupin në vendin e parë dhe do të garojë në “play-off” të Ligës A në Ligën e Kombeve.

https://www.youtube.com/watch?v=akxHqd-af94&fbclid=IwAR2et0J5AK1o9ZgDRhDD_YryW_wGq2RZXEZrypM3axPn9JtOigLe8pt-7kc

---