1000-frangëshi zviceran, shumë i kërkuar

BE-ja do të heqë kartëmonedhat 500 euro, si mënyrë për të luftuar financimin e terrorizmit dhe pastrimin e parave. Edhe përdorimi i 1000-frangëshit është kritikuar gjithmonë.

KEYSTONE

Kartëmonedhat shumë të vlefshme kanë një reputacion të dyshimtë.

Kartëmonedhat 500 euro së shpejti mund të zhduken. Por pikërisht kartëmonedhat e tilla aktualisht janë veçanërisht të shumta në përdorim. Sipas  Europol-it, agjenci policore, rreth 30 për qind janë ende në përdorim. Kartëmonedha të tilla janë problematike, ngase mund të transportohen lehtë për qëllime të dyshimta kriminale.

“Kartëmonedhat me vlera të mëdha mund të përdoren për financimin e terrorizmit”, ka thënë Jeroen Dijsselbloem. Prandaj, kartëmonedhat 500 euro janë kërcënuar të zhduken.

Të hënën e ka konfirmuar edhe Mario Draghi, president i Bankës Qendrore Evropiane (ECB), sipas të cilit në BQE mendojnë seriozisht për heqjen e kartëmonedhave 500-euroshe.

Edhe 1000 frangëshi zviceran është kritikuar gjithmonë. Shifrat e Bankës Nacionale e Zvicrës (SNB) tregojnë gjithashtu se kartëmonedhat 1000 frangëshe janë jashtëzakonisht të kërkuara vitet e fundit. Pra, vlera e qarkullimit të kartëmonedhave 1000 fragëshe mes 2010 dhe 2015 shënon rritje nga 30 në 43 miliardë franga.

Një ekspert monedhash tha se kartëmonedhat me vlera të larta nuk janë mjeti i duhur në luftën kundër pastrimit të parave.

Një zëdhënës i Bankës Nacionale nuk ka informacione për heqjen e 1000 frangëshit zviceran nga përdorimi.
“1000 frangëshi shënon një rol të rëndësishëm në tregun e pagesave“, tha zëdhënësi për Srf, përcjell albnfo.ch.