Bota
10 qytetet me piceritë më të mira në botë
Sipas sondazhit të vitit 2022 nga 50 Top Pizza, Nju-Jorku dhe Roma janë qytetet me piceritë më të mira në botë
Pavarësisht nëse ju pëlqen brumi i hollë i picës të stilit të Nju-Jorkut ose nëse preferoni brumin më të trashë të stilit të Detroitit, ju me shumë mundësi keni mendime mjaft të qarta se çfarë e bën një picë perfekte për ju, si dhe e dini vendin se ku mund ta gjeni atë.
Ekspertët italianë të picave nga 50 Top Pizza publikuan sondazhin e tyre të vitit 2022, ku renditen piceritë më të mira në botë, shkruan Monitor, transmeton albinfo.ch.
Inspektorët nga 50 Top Pizza i vlerësojnë piceritë duke u bazuar te:
- Shërbimi ndaj klientit;
- Pastërtia dhe bukuria e ambientit;
- Shija dhe sa i shëndetshëm është ushqimi.
Qytetet e para me piceritë më të mira: Nju-Jorku dhe Roma (në barazim);
Në fakt, vendi i parë në renditjen e qyteteve më të mira për pica në vitin 2022 shkon për një barazim mes Nju-Jorkut dhe Romës.
Secili prej këtyre dy qyteteve kishte pesë nga piceritë më të mira në botë, numër ky më i lartë se i çdo qyteti tjetër në listën e 50 Top Pizza.
Në Nju-Jork, piceria më e mirë është Una Pizza Napoletana. Restoranti i Lower East Side është i njohur për picat napolitane të pjekura në furrë me dru, në përmasa 30 cm., të cilat përgatiten nga shefi Anthony Mangieri.
Disa restorante të tjera që ndodhen në Nju-Jork dhe u bënë pjesë e rendites janë Ribalta NYC, Song’E Napule, Kesté Fulton dhe Ops.
Sipas sondazhit, piceria më e mirë në Romë është Seu Pizza Illuminati. Shefi i këtij restoranti, Pier Daniele Seu, është i njohur për përgatitjen e një brumi shumë të lehtë, si dhe për eksperimentimin me produktet që i shtohen picës.
Disa piceri të tjera që ndodhen në Romë dhe u bënë pjesë e renditjes janë 180g Pizzeria Romana, Qvinto, Sbanco dhe Sant’Isidoro – Pizza & Bolle.
10 qytetet me piceritë më të mira në botë
- Nju-Jork, SHBA dhe Romë, Itali
- —
- Napoli, Itali
- Londër, Mbretëri e Bashkuar
- Tokio, Japoni
- Castera, Itali
- Paris, Francë
- Milano, Itali
- Kopenhagë, Danimarkë
- Hong-Kong, Kinë
Pas Nju-Jorkut dhe Romës, disa nga qytetet e tjera me numrin më të madh të picerive që u bënë pjesë e sondazhit të 50 Top Pizza janë Napoli, Londra dhe Tokio, ku secili qytet ka katër restorante që janë pjesë e listës.
Napoli, ndryshe nga qytetet e tjera, i ka të katërta piceritë të renditura në listën e përgjithshme të 10 picerive më të mira në botë.
Sipas këtij sondazhi, në “vendlindjen e padiskutueshme të picave” ndodhen katër prej picerive më të mira në botë: 50 Kalò, 10 Diego Vitagliano Pizzeria, Francesco & Salvatore Salvo dhe La Notizia 94.
São Paulo, në Brazil, vlen gjithashtu të përmendet, pasi ky qytet ka tri piceri të renditura në listën e 100 picerive më të mira të këtij sondazhi.
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa