1 miliard fluturime ndërkombëtare më pak gjatë vitit 2020

Turizmi botëror pësoi në 2020-në vitin e tij më të keq të regjistruar ndonjëherë, me fluturimet ndërkombëtare që ranë me 74 për qind krahasuar me vitin 2019. Kështu thuhet në të dhënat e publikuara nga Organizata Botërore e Turizmit (UNWTO).

Destinacionet në të gjithë botën mirëpritën 1 miliard më pak fluturime ndërkombëtare në vitin 2020 sesa në vitin pararendës, për shkak të një rënie të paprecedentë të kërkesës dhe kufizimeve të përhapura të udhëtimeve.

Kjo krahasohet me rënien prej 4 për qind të regjistruar gjatë krizës ekonomike botërore të vitit 2009.

Sipas barometrit të fundit botëror të turizmit në UNWTO, rënia në udhëtimet ndërkombëtare përfaqëson një humbje të vlerësuar prej 1.3 trilionë dollarësh në të ardhurat nga eksporti, më shumë se 11 herë nga humbja e regjistruar gjatë krizës ekonomike botërore 2009.

Kriza ka vënë në rrezik rreth 100 deri 120 milionë vende pune të lidhura drejtpërdrejt me turizmin, shumica prej tyre në ndërmarrjet e vogla dhe të mesme.

Për shkak se pandemia COVID-19 është në zhvillim, shumë vende tani po rivendosin kufizime edhe më të rrepta të udhëtimit. Këto përfshijnë testimin e detyrueshëm, karantinat dhe në disa raste, një mbyllje të plotë të kufijve, të gjitha peshojnë mbi rinisjen e udhëtimeve ndërkombëtare.

Në të njëjtën kohë, shpërndarja graduale e një vaksine kundër COVID-19 pritet të ndihmojë në rikthimin e besimit të konsumatorit, të kontribuojë në lehtësimin e kufizimeve të udhëtimit dhe normalizimin e ngadaltë të udhëtimeve gjatë vitit në vazhdim. /VoA/