Zvicra shton eksportin e pajisjeve luftarake

Nga janari deri në qershor 2016 janë shitur jashtë vendit mallra në vlerë prej 225 milionë frangash Në periudhën e njëjtë të vitit 2015 eksporti kishte qenë 216 milionë franga

Zvicra, në gjashtë muajt e parë të vitit 2016 ka shitur pak më shumë material luftarak në krahasim me periudhën e njëjtë të një viti më parë. Siç tregojnë të dhënat nga Sekretariati Shtetëror për Ekonomi (Seco), gjithsej nga janari deri në qershor 2016 janë shitur jashtë vendit mallra në vlerë prej 225 milionë frangash, njofton srf.ch.

Në periudhën e njëjtë të vitit 2015 eksporti kishte qenë 216 milionë franga.

Sikurse edhe deri tash, importuesi më i madh ka qenë Gjermania. Por, materiale luftarake Zvicra ka eksportuar edhe në vendet si Arabia Saudite dhe Pakistani, transmeton albinfo.ch. Si zakonisht, eksporti i mallrave luftarake në këto vende është kritikuar nga forcat politike të majta në vend dhe nga kundërshtarët e ushtrisë.