Shkurt.ch

Zvicra shpall konkurs për himnin e saj të ri

Konkursi për tekstin dhe melodinë e himnit të ri hapet më 1 janar 2014 dhe mbyllet në fund të qershorit të po atij viti

E enjte, 7 Nëntor 2013 - 12:41 albinfo.ch
 
Zvicra duhet të ketë një himn kombëtar, teksti i të cilit duhet të përshtatet më mirë me kohën dhe njëherësh të ketë edhe një melodi të re. Për të plotësuar këto nevoja, është paralajmëruar  kohë më parë një konkurs për himnin e ri të vendit. Konkursi hapet më 1 janar 2014 dhe mbyllet në fund të qershorit të po atij viti.
 
Himni, respektivisht teksti dhe melodia të cilën do ta përzgjedhë një juri në nivel vendi, do t`i dorëzohet Këshillit Federal për miratim.

Organizata që do ta bëjë gjithë këtë punë quhet SGG (Bashkësia Zvicerane për Bamirësi).

Bazë për himnin e ri duhet të jetë preambula e Kushtetutës Federale ndërsa në melodinë e tij duhet të mbetet e dallueshme vija melodike e “Psalmeve zvicerane”, me çfarë identifikohet himni i sotëm.

Sipas kryetarit të SGG, Lukas Niederberger, krijimi i një himni të ri kombëtar nuk është çështje luksi. Është e kundërta, nevoja për himnin e ri kuptohet si kërkim i qëllimeve dhe vlerave të përbashkëta të një shoqërie.

Ndërkohë, juria që do ta bëjë përzgjedhjen e himnit pothuaj është kompletuar. 18 anëtarë të zgjedhur deri më tash janë prezantuar në revistën “Revue” të SGG-së. Ata vijnë nga të gjitha regjionet e vendit, dhe përfaqësojnë të gjitha bashkësitë gjuhësore.

Po kështu, në mesin e anëtarëve ka profesionistë dhe laikë si dhe autoritete nga religjionet më të përfaqësuara në Zvicër.  

 Të tjera nga Shkurt.ch

Ja pse Gjeneva paguan më shumë për barazimin financiar në vitin 2026

 E-Diaspora

 Jeta në Austri