Zvicra nuk transmeton më “Wetten dass”

Shou më i madh televiziv evropian “Wetten  dass”, prodhim gjerman, tash e tutje nuk do të emetohet në rrjetin televiziv të Zvicrës.

Televizioni publik zviceran ka hequr dorë nga pjesëmarrja në koproduksionin me transmetuesit publikë gjermanë dhe austriakë, respektivisht ZDF dhe ORF, njofton SRF (Radiotelevizioni i Zvicrës). Por, ky institucion nuk e përjashton mundësinë që në ndonjë kohë tjetër, sërish të inkuadrohet në transmetim.

Ndërkohë ZDF dhe ORF janë duke punuar në zhvillimin e mëtejmë të emisionit.

“Wetten dass” ka arritur statusin e spektaklit më të madh televiziv evropian në kohën sa ai është drejtuar nga Thomas Gottschalk. Ky i fundit është tërhequr vitin e kaluar ndërsa emisioni është ende në kërkim të zëvendësimit të tij.