Zvicra nuk është më atraktive për ekspertët e huaj

Zvicra mbetet vend i dëshiruar për ekspertët e huaj që me një term tjetër quhen “expat”, por megjithatë figuron vetëm e dhjeta në listën e destinacioneve më atraktive.

Singapori, Zelanda e Re dhe Suedia janë në tri vendet  e para, e ndjekur nga Bahreini, Gjermania dhe Kanadaja, sipas një studimi të publikuar sot nga banka HSBC.

Për ekspertët e huaj Zvicra mbetet një mjedis tërheqës dhe financiar me mirëqenien që ata përjetojnë këtu.

Ata fitojnë më shumë se në vendin e tyre, kanë të ardhura më të larta dhe mund të kursejnë më shumë.

Më pak pikë ka marrë Zvicra, sepse ekspertët i konsiderojnë zviceranët jomiqësorë.

Gjashtë nga dhjetë të anketuarit thonë se vështirë e kanë për të gjetur miq zviceranë. Dhe vetëm 43 për qind e ekspertëve i përshkruajnë zviceranët si miqësorë.