Zvicra ndihmon shumë vende të kenë qasje në ujë të pijshëm

Zvicra ka ndihmuar tetë milionë njerëz të kenë qasje më të mirë në ujë të pijshëm të pastër dhe sisteme efikase të ujitjes për bujqësinë, thotë Agjencia Zvicerane për Zhvillim dhe Bashkëpunim (SDC).

Duke paraqitur raportin e saj afatmesëm mbi objektivat 2017-2020.

SDC gjithashtu theksoi sigurimin e lehtësive higjienike për tre milionë njerëz në Afrikë, Azi dhe Amerikë Latine.

Rreth 844 milionë njerëz aktualisht nuk kanë qasje në ujë të pastër, tha SDC të martën. Sipas Organizatës Botërore të Shëndetësisë, 1000 fëmijë nën moshën pesëvjeçare vdesin çdo ditë, sepse nuk kanë qasje në ujë të pastër dhe kanalizime, përcjell albinfo.ch.

Qeveria zvicerane kohët e fundit ka përcaktuar prioritetet e bashkëpunimit ndërkombëtar për periudhën 2021-2024. Kjo përcakton katër rajone të fokusuara: Afrika e Veriut dhe Lindja e Mesme; Afrika nën-Sahariane; Azia Qendrore, Jugore dhe Jug-Lindore dhe Evropën Lindore.

Bashkëpunimi ndërkombëtar do të japë prioritet për reduktimin e varfërisë dhe sigurinë njerëzore, të krijojë lidhje më të ngushta me sektorin privat dhe të kërkojë bashkëpunim ndërkombëtar për çështjet e migracionit.