Zvicra ndalon shitjen e makinave VW të manipuluara

ASTRA konsideron se në Zvicër mund të ketë rreth 180 mijë vetura që potencialisht janë të prekura

Skandali i madh me veturat e Volkswagenit ka prekur edhe Zvicrën. Kështu, autoritetet kompetente federale kanë marrë vendim dje që përkohësisht veturat e caktuara të markës VW të mos lejohet të shiten në Zvicër.

Duke marrë një masë të tillë, Zyra Federale e rrugëve (ASTRA) parandalon që në qarkullimin rrugor të Zvicrës të lejohet hyrja e makinave të tjera që potencialisht mund të kenë problemin tashmë të njohur, manipulimin me emetimin e gazit. Por, ndalesa nuk vlen për makinat që tashmë kanë hyrë në qarkullim, njofton ASTRA, që domethënë se ato mund të vazhdojnë qarkullimin.

ASTRA konsideron se në Zvicër mund të ketë rreth 180 mijë vetura që potencialisht janë të prekura nga problemi i përmendur- është fjala për modelet e koncernit Volkswagen të markave Audi, Seat, Skoda dhe Volkswagen të viteve të prodhimit 2009 deri 2014 të cilat janë të pajisura me motorët dizel 1.2TDI, 1.6TDI dhe 2.oTDI. nuk janë të prekur motorët EURO6 të prdhimit aktual.

Si hap të radhës ASTRA pritet të sqarojë konkretisht nëse makinat janë të manipuluara dhe nëse po, për cilat tipe është fjala.