Zvicra mundet nga Kosova

Përfaqësuesja U17 e Kosovës ka arritur fitore të rëndësishme në kualifikimet për Evropianin 2019, duke e mposhtur Zvicrën, në ndeshjen që është zhvilluar në Qipro.

Të përzgjedhurit e Besnik Kollarit, pas humbjes nga Skocia, fituan 1:0 ndaj Zvicrës. Golin e vetëm e realizoi Valon Zumberi në minutën e 63-të, përcjell albinfo.ch.

Tani Kosova në Grupin 5 kualifikues është në pozitën e dytë me tre pikë. Skocia prin me katër pikë, Zvicra është e treta me tre dhe Qipro me një në fund. Në ndeshjen e ardhshme Kosova do të ndeshet me Qipron.

Ndërkohë, Shqipëria ka mundur Azerbajxhanin në ndeshjen e fundit në grup, me rezultat minimal 1:0. Kuqezinjtë përfunduan grupin me këto tre pikë.