Zvicra mbledh donacione për refugjatët

Të martën e ardhshme është Dita kombëtare e solidaritetit për refugjatët. Do të fillojë aksioni për mbledhjen e fondeve për të ndihmuar refugjatët në vendet fqinje, si dhe në vendet e luftërave dhe të atyre që janë në rrugë për të shpëtuar në Evropë.
Të martën e ardhshme, më 15 shtator, më shumë se 300 vullnetarë, prej orës shtatë  të mëngjesit deri në mesnatë, do të jenë në dispozicion për t’iu përgjigjur donatorëve në katër studiot e SRG në Cyrih, Chur, Lugano dhe Gjenevë.

Në një aksion solidariteti zviceranët kanë mbledhur për refugjatët më 31 gusht 2015 më shumë se katër milionë franga. Dhjetë agjencitë partnere do të ndihmojnë refugjatët e Libanit, Jordanit dhe Irakut në rrugën e tyre nëpër Serbi, Greqi dhe Itali.

“Ne e dimë se mund të mbështeteni në solidaritetin e popullsisë zvicerane”, thotë përfaqësuesi i organizatës humanitare Glückskette, Tony Burgener.

“Ne ishim në gjendje, në sajë të këtij solidariteti në katër vjetët e fundit për të mbështetur rreth 50 projekte të organizatave humanitare partnere në favor të më shumë se gjysmë milioni refugjatësh në vendet fqinje të Sirisë”, tha Burgener.