Zvicër: Kërkohen plane për të akomoduar 10 milionë njerëz

Popullsia e Zvicrës pritet të kalojë 9 milionë njerëz këtë vit

Disa studime tregojnë se popullsia e Zvicrës pritet të kalojë 9 milionë njerëz këtë vit (nga 8.8 milionë që janë aktualisht) dhe të arrijë në 10 milionë disa vjet më vonë, për shkak të rritjes së numrit të emigrantëve, përcjell albinfo.ch.

Kjo perspektivë po i shtyn deputetët t’i kërkojnë Këshillit Federal të zhvillojë skenarë se si vendi i vogël mund të krijojë vend për kaq shumë banorë.

Në mënyrë të veçantë, deputetja Judith Bellaiche u ka bërë thirrje autoriteteve federale që të hartojnë, tashmë e pa vonesë, një plan se si të përgatisin infrastrukturën e vendit, si strehimi, transporti publik, kujdesi shëndetësor, pensioni i pleqërisë dhe arsimi, për numrin në rritje.

Në përgjigje, Këshilli Federal tha se “do t’i marrë këto shqetësime në kontekstin e planifikimit legjislativ nga 2023 deri në 2027”.

---