Zvicra kap dhe më pas dëbon dy agjentë rusë

Veçanërisht me rëndësi është se ky laborator nuk heton vetëm sulmet e pretenduara me armë kimike në Siri, por edhe akuzat ndaj Moskës për helmimin e ish agjentit të dyfishtë Sergej Skripal.

Dy spiunë rusë janë arrestuar gjatë pranverës në një laborator kimik në Zvicër dhe më pas janë dëbuar për në vendlindje. Siç mëson «Tages-Anzeiger» nga burime anonime, të dy rusët kanë dashur të futen në laboratorin e qytetit Spiez, përcjell albinfo.ch.

Veçanërisht me rëndësi është se ky laborator nuk heton vetëm sulmet e pretenduara me armë kimike në Siri, por edhe akuzat ndaj Moskës për helmimin e ish agjentit të dyfishtë Sergej Skripal.

Siç mësohet më tej, laboratori kimik më Spiez (Labor Spiez) gjithashtu ka qenë pjesë e tentimeve për sulme kibernetike. Por palët që kanë sulmuar nuk e kanë arritur qëllimin. “Të dhënat nuk kanë rrjedhur,” vërteton shefi i komunikimit të laboratorit Spiez, Andreas Bucher. Ky i fundit nuk ka dashur të komentojë rreth arrestimit të dy agjentëve rusë, pasi kjo çështje i takon shërbimit të intelegjencës.

Qeveria ruse ka kundërshtuar se është bashkëpunëtore në helmimin me gazin toksik të ish agjentit Skripal në Londër dhe gjithashtu hedh poshtë pretendimin se regjimi sirian ka përdorur armë kimike kundër civilëve.

---