Kriza në Ukrainë
Dezertorët rusë mund të marrin azil në Zvicër
Nëse ka indikacione për një kërcënim për sigurinë, aplikimet do t'i përcillen shërbimit të inteligjencës për rishikim
Mobilizimi rus ka shkaktuar një tronditje të made te shumë rusë: qindra mijëra syresh po ikin jashtë vendit për të shmangur luftën dhe mobilizimin e detyruar.
Autoritetet zvicerane janë duke vëzhguar situatën me kujdes.
Pothuajse 100,000 rusë kanë ikur në Kazakistan që nga njoftimi i mobilizimit, i shpallur javën e kaluar, transmeton albinfo.ch. Kështu të paktën deklarojnë autoritetet kazake, shkruan nzz.ch. Por refugjatët rusë po grumbullohen gjithashtu edhe në Finlandë, me qëllimin që të largohen nga vendi nga frika e luftës.
Vlerësimi i efekteve të gjithë kësaj në vendet e Evropës Qendrore është ende i vështirë për t’u bërë.
Sekretariati i Shtetit për Migracionin deklaron se deri më tani nuk është identifikuar ndonjë rritje e dukshme e numrit të azilkërkuesve nga Rusia. Që nga fillimi i luftës në Zvicër, më pak se njëzet njerëz në muaj, nga Rusia kanë bërë aplikim për azil.
Ndërsa në shtator, 31 njerëz nga Rusia kanë paraqitur kërkesë për azil në Zvicër.
Ende është e diskutueshme nëse aplikantët rusë kanë shanse për të marrë azil. Refuzimi i luftës në vetvete nuk është arsye për azilin, pati konfirmuar Ministrja e Drejtësisë, Karin Keller-Sutter (FDP), një javë më parë kur ajo prezantoi një marrëveshje për kontrollimin e migracionit me homologun e saj austriak në St. Gallen, transmeton albinfo.ch. Por, çdo aplikim nga shtetasit rusë kontrollohet individualisht.
Po kështu, ndëshkimet drastike nga ana e Putinit mund të jenë shkak për azil.
Sidoqoftë, është e mundur që aplikimet ruse të kontrollohen gjithnjë e më shumë nga Shërbimi i Inteligjencës (NDB). SEM dhe NDB nuk japin numra, por ata thonë: Nëse ka indikacione për një kërcënim për sigurinë, aplikimet do t’i përcillen shërbimit të inteligjencës për rishikim.
Të ngjashme
Të tjera nga Kriza në Ukrainë
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë