Zvicra ka strehuar 28 refugjatët e parë nga 1500 për sa është zotuar

Duke qenë se, përmes Marrëveshjes së Dublinit edhe Zvicra është pjesërisht pjesë e politikës së azilit të BE-së, ajo është deklaruar e gatshme për të pranuar 1500 refugjatë përmes kësaj rruge

Zvicra, në kuadrin e planit të BE-së për strehimin e refugjatëve nga kampet ku ndodhen në Greqi, ka marrë 28 refugjatët e parë, të kuotës që i takon. Këta persona janë sjellë në Zvicër nga fundi i javës së kaluar, ka konfirmuar Sekretariati Shtetëror për Migracion (SEM) për Agjencinë e Lajmeve SDA.

Refugjatët e strehuar duhet t`i nënshtrohen procedurës së rregullt të azilit por shanset e tyre për t`u pranuar në Zvicër janë përgjithësisht të mira.

Verën që shkoi, shtetet anëtare të BE-së patën vendosur që të merrnin rreth 160.000 refugjatë të strehuar në Itali dhe në Greqi, transmeton albinfo.ch. Me këtë veprim ato synonin shkarkimin e dy vendeve të përmendura që janë më të ngarkuarat nga fluksi i refugjatëve.

Duke qenë se, përmes Marrëveshjes së Dublinit edhe Zvicra është pjesërisht pjesë e politikës së azilit të BE-së, ajo është deklaruar e gatshme për të pranuar 1500 refugjatë përmes kësaj rruge.