Zvicra ka më së paku parkingje në Evropë

Një studim që e ka bërë TCS tregon raportin mes numrit të hapësirave publike të parkimit në qytete me numrin e automjeteve të regjistruara

TCS ka hulumtuar në 22 vende evropiane. Si përfundim del se në asnjë vend tjetër në Evropë nuk ka më pak parkingje publike sesa në Zvicër. Për 1000 automjete janë vetëm 84 hapësira në dispozicion.

Nëse krahasohet me Gjermaninë, atëherë atje ka dy herë më shumë vende parkimi, ndërsa Suedia tri herë më shumë se në Gjermani.

Qytetet dhe komunat zvicerane për këtë arsye janë të detyruara që në mënyrë aktive të kërkojnë alternativa për menaxhimin e parkingjeve publike.

“Problemi bëhet edhe më i madh në Zvicër ngase për shkak të rritjes së popullsisë gjithnjë e më shumë shtohen edhe automjetet”, thonë në TCS.