Zvicra i jep vizë Khodorkovskit

Mikhail Khodorkovsky mund të udhëtojë në Zvicër, ku jeton gruaja e tij dhe dy djemtë

Gazetat ruse kanë spekuluar se ai ka deponuar paratë në llogaritë bankare zvicerane. Khodorkovsky tashmë mund të udhëtojë në drejtim të Zvicrës me një vizë Shengen.

Mikhail Khodorkovsky mund të udhëtojë në Zvicër, ku jeton gruaja e tij dhe dy djemtë. Kërkesa e tij për të marrë vizë ishte miratuar, tha një zëdhënëse e Ministrisë së Jashtme të Zvicrës. Për arsye të mbrojtjes së të dhënave dhe privatësisë nuk janë dhënë informacione të tjera të udhëtimit të Khodorkovskyt.

Gjermania dhe Zvicra janë dy vende Shengen, ku Khodorkovsky mund të lëvizë lirshëm.

Khodorkovsky pas dhjetë vjet burgimi, më 20 dhjetor ishte larguar nga burgu në Rusinë veriore. Pastaj ai kishte udhëtuar direkt në Berlin.

Ish-miliarderi i naftës ka deklaruar se ai donte për të udhëtuar në janar në Zvicër. Gruaja e tij, Inna dhe bijtë binjakë, Glebi dhe Ilya, jetojnë në Zvicër dhe fëmijët e tij shkojnë në shkollat e këtushme. E bija, Anastasia, jeton në Moskë.

Khodorkovsky, i cili u rrit si sipërmarrës i naftës, u bë njeriu më i pasur i Rusisë, raportojnë mediat zvicerane. Një pjesë e aseteve janë deponuar në llogaritë bankare zvicerane.

Khodorkovsky është  arrestuar në vitin 2003 dhe ishte dënuar dy vjet më vonë për mashtrim dhe evazion fiskal. Procedurat gjyqësore kundër tij ishin kritikuar nga Perëndimi dhe ishin vlerësuar si të motivuara politikisht.