Zvicra, e gatshme të ndërmjetësojë në konfliktin e Koresë së Veriut

Që nga përfundimi i Luftës së Koresë, në vitin 1953, pjesëtarë të Ushtrisë së Zvicrës kishin bërë mbikëqyrjen e armëpushimit atje

Keystone

Zvicra, në parim, është e gatshme të ofrojë shërbimet e saj të mira ndërmjetësimit në konfliktin lidhur me programin atomik të Koresë së Veriut. Kështu është shprehur presidentja e Konfederatës së Zvicrës, Doris Leuthard në një konferencë shtypi të mbajtur sot në Bernë, njofton srf.ch.

Është koha për një dialog dhe Zvicra është në dispozicion si mediatore, ka thënë Leuthard, përcjell albinfo.ch. “Fuqitë e mëdha, SHBA dhe Kina duhet të jenë të vetëdishme për përgjegjësinë që kanë”.

Presidentja ka kujtuar më tutje kaluarën, kohën kur Zvicra dhe Suedia përbënin misionin mbikëqyrës në mes të Koresë së Jugut dhe asaj të Veriut. Që nga përfundimi i Luftës së Koresë, në vitin 1953, pjesëtarë të Ushtrisë së Zvicrës kishin bërë mbikëqyrjen e armëpushimit atje.