Zvicra do t`ua ndalojë refugjatëve edhe vizitat në vendet fqinje

Propozimet kërkonin, veç tjerash që refugjatëve të përmendur t`u ndalohet udhëtimi edhe në vendet fqinje të shtetit të tyre të prejardhjes dhe jo sikur deri tash, vetëm në vendin e prejardhjes

Propozimet e bëra së fundi nga Këshilli Federal për ashpërsimin e rregullave lidhur me udhëtimet jashtë vendit të refugjatëve me status të pranuar kanë ngjallur kundërshtime në Parlament, me rastin e shqyrtimit të tyre.

Propozimet kërkonin, veç tjerash që refugjatëve të përmendur t`u ndalohet udhëtimi edhe në vendet fqinje të shtetit të tyre të prejardhjes dhe jo sikur deri tash, vetëm në vendin e prejardhjes. Partitë e majta në parlament dhe organizatat që mbrojnë interesat e refugjatëve kanë hedhur poshtë këtë propozim.

Por, nga ana tjetër, partitë djathta konsiderojnë se ndryshimet e propozuara në kuadër të Ligjit për të Huajt janë tepër të vogla.

Kështu CVP/PDC kërkon që ndalesa e udhëtimit në vendin e prejardhjes të vlejë edhe për refugjatët me pranim të përkohshëm (Viza F). Ndërsa SVP/UDC kërkon që kësaj ndalese t`i nënshtrohen edhe personat procedura e azilit e të cilëve është duke rrjedhur.