Zvicra do të ndalojë automjetet e shpejta e të zhurmshme

Automjetet e reja, të cilave zhurma e motorit mund t'i përforcohet në mënyrë manuale, nuk do të lejohen nga viti 2016.

Zhurma e automjeteve është mjaft e dëshirueshme nga një numër të rinjsh në Zvicër. Sidomos veturat e modelit sportiv, si Jaguar, Porsche Panamera GTS, lëshojnë breshëri të zhurmës së lartë. Nga 1 korriku 2016 modelet e reja të makinave sportive në BE dhe Zvicër vështirë se mund të lejohen të jenë më të zhurmshme se makinat e zakonshme PKW. Këtë e konfirmon Zyra Federale e Rrugëve (Astra). Bashkimi Evropian ka plotësuar një boshllëk në ligjin përkatës, i cili është shfrytëzuar në mënyrë sistematike nga prodhuesit e makinave sportive me performancë të lartë të shpejtësisë.
Në kuadër të marrëveshjeve dypalëshe, Zvicra ka marrë disa nga rregullat e BE-së për automjete motorike. A është sot për makinat e zakonshme në Evropë niveli i zhurmës deri në 74 decibel. Makina e fuqishme teorikisht mund të jetë 1 decibel më e zhurmshme. Këto përfshijnë makina nga Aston Martin, Ferrari, Maserati, Jaguar, Porsche dhe Audi. 1 decibel është një dallim i vogël, që është mezi i perceptueshëm për njerëzit.
Megjithatë, dallim shkakton “Klappenauspuffsysteme”. Bëhet fjalë për pajisje të veçantë të dizajnuar në sistemin që mund të aktivizohet nga shoferi. Në mungesë të ligjit, policia ka qenë e pafuqishme të reagojë ndaj automjeteve të zhurmshme.

Klubi Trafiku në Zvicër (VCS) ka thënë të jetë i kënaqur me ndryshimin e ligjit. “Kjo është absurditet absolut, kur disa shoferë lëshojnë zhurmë të tepruar në emër të një ideje të keqkuptuar mashkulloriteti. Këto ditë ne jemi të ekspozuar vazhdimisht ndaj zhurmës”, thotë zëdhënësi i VCS-së, Gerhard Tubandt.
Rregullorja vlen për modelet e reja të makinave, të cilat janë të regjistruara nga 1 korriku 2016.